Antonjski rog je zatulil i se maškare zbudil!
Kot ča rabi i ča j naša pusna užanaca, na Antonju, trebe storit i obesit Pusta. Ne smemo mu pozabit dat ime za ono ča nas jadi, ča nas najviše šeka, a oteli bimo promenit. Se to tako po toj regule storili smo va našeh vrtićeh.
Prej nego ča smo ga obesili, storili smo pravu promenadu va vrtiće kade su si uživali “i staro i mlado“. I tako će naši Pusti viset do Pepelnice kada ćemo jih reciklirat, a ne spalit.
Pusno vreme nan je ovo leto dosti dugo, pak ćemo se nauživat.
Saku sredu maškarani tanac va vrtiće.
Mića i vela zvončarska smotra pul Matuj.
Maškarana povorka v Reke va kostime “Matujski pop corn”.
I za kraj “pobiranje jaj” na pusni pondejak, al na pust.
Veseli ćemo se, škercat i tancat “dok nogi ne molaju”!
ŽIVIO PUST!
